Penni: Elís Þór Traustason
Faraldur geisar og heldur samfélaginu í krepptum lúkum sínum. Ríkisstjórnin hefur búist til skotgrafarstríðs gegn veirunni og vopn hennar eru sóttvarnirnar. En þeir sem dýrka áhættu, veirur og möguleikann á langvarandi lungnaskaða, vilja kannski verja lífsstíl sinn og berjast gegn oki þríeykisins. Þeir geta fylgt þessum fimm einföldu skrefum í sóttvarnavörnum.
1. Aldrei spritta né þvo hendur
Auðvitað er það almenn kurteisi að þvo sér um hendur en almenn kurteisi er ekki til fyrirmyndar. Best er að forðast spritt sem djöfulinn, káma út hvert einasta handrið og gera langt og flókið handaband við alla þá sem þú hittir á förnum vegi. Eftir á skal maður nudda á sér andlitið, það er alltaf gott fyrir heilsuna og einstaklingsfrelsið.
2. Njóta kássunnar
Kássa er góð. Kássa er kósí. Kássa er margs konar. Hún er ekki bara ágætis matur, heldur líka hið fullkomnasta ástand mannlegr- ar tilveru. Kássan sem myndast á böllum, í ólöglegum heimapar- tíum á Halloween og þegar fleiri en tíu vinir kúra saman í sófa. Hver þarf COVID þegar maður hefur knús?
3. Tveir sentimetrar er alveg nóg
Nuff said.
4. Gríman
Æ, það er svo óþægilegt að vera með grímu. Gleraugnaglámar eins og ég geta ekki séð mikið í gegnum móðuna, maður verður að þreifa fyrir sér. Það er ekki vandamál, enda má snerta allt. Grímur eru líka svo gagnslausar. Þær minnka alveg líkurnar á loftsmiti en koma ekkert í veg fyrir COVID-19. Best er að nota bara ekki neitt og hósta duglega til að halda fólki frá. Ég get lofað, það virkar í hvert skipti.
5. Hittu fólk
Ekki halda þig heima, þar eru bara lúðar og reglustikur. Kæri
í krepptum lúkum sínum. Ríkisstjórnin hefur búist til skotgrafarstríðs
gegn veirunni og vopn hennar eru sóttvarnirnar. En þeir sem dýrka áhættu, veirur og möguleikann á langvarandi lungnaskaða, vilja kannski verja lífsstíl sinn og berjast gegn oki þríeykisins. Þeir geta fylgt þessum fimm einföldu skrefum í sóttvarnavörnum.
lesandi, þú ert á bestu árum lífs þíns. Njóttu, farðu í partí, haltu partí og rúntaðu með nýju fólki daglega. Veiran er seinni tíma vandamál. Svo, kæri lesandi, ef þú hefur gaman af mótmælum, þá geturðu endilega mótmælt aðgerðum stjórnvalda á Austurvelli og neitað að taka inn bóluefni þegar þar að kemur. Hver þarf bóluefni anyways?
Eins og sést eru þetta grjótharðar sóttvarnavarnir fyrir alla uppreisnargjarna. Lokaorð, hlýðið ekki þríeykinu og verið í núinu. Ást og ófriður.
