Penni: Elísabet Ingadóttir
Upp á síðkastið hef ég mikið verið að dunda mér við það að prjóna heil ósköp. Mig langar að deila með ykkur minni uppáhalds prjónakonu sem ég fann fyrir slysni á miðlinum instagram og hef ég nýtt mér hennar viðhorf á prjónaskap sem innblástur.
@laerkebagger
Lærke Bagger er menntaður hönnuður og prjónar öðruvísi, óhefðbundnar og frumlegar flíkur og er ekki endilega of upptekin af uppskriftum og reglum tengdum prjóni. Hún leggur mikið upp úr sjálfbærni og nýtir allt afgangsgarn eins og hún mögulega getur og er útkoman meira en glæsileg. Það er hægt að benda á hana fyrir byrjendur þar sem hún er með leiðbeiningar í ,,highlights” hjá sér hvernig eigi að prjóna auðvelda en frumlega peysu, skref fyrir skref.
