Á föstudeginum 15. maí var vefráðstefnan ,,Stökk í átt að sjálfbærni eftir COVID-19” haldin eins og segir í fréttatilkynningu frá Loftslagsverkfallinu, CIRCULAR og Landvernd. Samkvæmt tilkynningunni horfðu 3.8 þúsund manns á streymið frá ráðstefnunni á Facebook. Fundarstjóri var Gunnhildur Fríða Hallgrímsdóttir, skipuleggjandi loftslagsverkfallanna.
Tilgangur vefráðstefnunnar var að hefja umræðu um hvernig hægt er að styrkja efnahaginn og landið með sjálfbærni að leiðarljósi. ,,Þrátt fyrir að einhver minnkun á losun gróðurhúsalofttegunda hafi átt sér stað eftir að COVID-19 skall á, er kolefni í andrúmslofti í sögulegu hámarki og loftslagsbreytingar ógna okkur enn,” segir í tilkynningunni. Í kjölfar ástandsins sem nú varir er gert ráð fyrir að losun gróðurhúsalofttegunda muni aukast gríðarlega þegar hjól efnahagslífsins fara að snúast. ,,Að mörgu er því að huga og mikilvægt að þjóðfélagið hafi vettvang til umræðu, en vegna samkomubanns hafa hefðbundin tól til þess, svo sem umræðufundir og ráðstefnur, ekki verið mögulegar.”
Kári baðst afsökunar
Samkvæmt stjórnendum fundarins gekk vefráðstefnan eins og í sögu. Þeir vonist því til að fleiri vefráðstefnur verði haldnar um þetta málefni. Fjarfundabúnaðurinn gerði það mögulegt að fá fyrirlesara alla leið frá Sviss og Saudi-Arabíu, og Íslendingar búsettir erlendus gátu sótt ráðstefnuna. Ráðstefnan byrjaði á ávarpi Kára Stefánssonar um hvernig veiran hefur fært okkur nær hvort öðru en á sama tíma skapað meiri fjarlægð á milli okkar. ,,Hann gagnrýndi umræðuna þar sem talað er um 800 millj.kr. tap á rekstri Landspítalans.” Samkvæmt Kára er það gróði frekar en tap að mannslífum hafi verið bjargað, þannig ætti líka að hugsa um loftslagsmál. ,,Kári talaði einnig fyrir grænmetisræktun stað áls, og mikilvægi þess að kynslóðirnar skili landinu í betra standi en þegar við tókum fyrir því, og endað á því að biðjast afsökunar fyrir hönd sinnar kynslóðar.”
Nýjar kröfur ferðamanna
Bjarni Herrera var svo með fyrirlestur um sjálfbær fyrirtæki og fjármál. ,,Hver manneskja getur haft 27x meiri áhrif á kolefnisfótspor sitt með því að setja lífeyrissjóðspening sinn á réttan stað samkvæmt Nordea banka,” sagði hann í fyrirlestrinum. Bjarni talaði svo til dæmis um uppbyggingu sjálfbærra fjármálamarkaða hér á landi með grænum skuldabréfum og fjárfestingum. Samkvæmt honum geta íslensk fyrirtæki bætt sig verulega þegar kemur að UFS-viðmiðum (umhverfismálum, félagslegum þáttum, og stjórnarháttum) í samanburði við erlend fyrirtæki, sérstaklega á Norðurlöndunum og í Evrópu.
,,Ólöf Ýrr Atladóttir fyrrverandi ferðamálastjóri Íslands flutti fyrirlestur um ferðavenjur í kjölfar faraldursins og tækifæri til endurstillingar íslenskrar ferðaþjónustu. Hún velti upp spurningum um mögulegar nýjar kröfur ferðamanna um rekstur og þjónustu, sem og tækifæri sem gefast ef ferðamenn sækja í meira rými og persónulegar upplifanir. Þessi tækifæri kalla á nýjar nálganir og vöruþróun, sem geta skapað íslenskri ferðaþjónustu sérstöðu á sviði sjálfbærni.”
Covid aðeins fyrsta höggið
Þórhildur Fjóla Þorsteinsdóttir, framkvæmdarstjóri Grænnar Byggðar talaði svo fyrir grænum lífsgæðum og fjallaði um breytingar á byggðarsamfélögum. Það er aukning á notkun hjólastíga og göngustíga. Þórhildur fjallaði svo um uppbyggingu Borgarlínunnar og aukningu heimaræktar.
,,Ólafur Margeirsson hagfræðingur talaði um hagfræðina á bak við ástandið og notaði þar svokallaða ,,kleinuhringjahagfræði”, hvers markmið er að bæta velmegun án þess að ganga á auðlindir náttúrunnar. Hann talaði fyrir fjárfestingum með áherslu á aukna sjálfbærni sem innspýtingu í hagkerfið og nefndi kolefnisbindingu sem tekjuleið, aukið frelsi bænda og grænni ferðamennsku sem leiðir til þess. Ólafur undirstrikaði einnig stærðargráðu loftslagsmála, og hvernig Covid sé aðeins fyrsta höggið.”
Andri Snær Magnason lokaði svo ráðstefnunni með hugvekju. Að hans sögn hefur faraldurinn afhjúpað hvað við mannkynið getum gert, en langtíma áhrif þess eiga auðvitað eftir að koma í ljós. ,,Við sjáum hvað gerist þegar við bregðumst við og þegar við bregðumst ekki við,” sagði Andri. Við þurfum að læra af viðbragðsleysi okkar.
,,Í heildlina var vefráðstefnan mikilvægt tól fyrir okkur til þess að ímynda okkur hvað við getum gert til þess að koma sterkari út úr faraldrinum. Við höfum nú einstakt tækifæri til þess að endurhugsa samfélag okkar, og ryðja brautina í uppbyggingu á grænu samfélagi.”
Vefáðstefnuna má finna hér.
Penni: Sólrún Freyja Sen
Eftirfarandi aðilar styrktu útgáfu Framhaldsskólablaðsins:
Akrahreppur
Alþýðusamband Íslands
Apótek Vesturlands
Bifreiðaverkstæði KS
Fellabær
Fjölbraut Garðabæ
Fjölbrautarskóli Suðurnesja
Framhaldsskólinn á Laugum
Garðabær
Góa Linda
Kaupfélag Skagfirðinga
Menntakólinn á Ísafirði
Menntaskóli Akureyrar
Menntaskóli Borgarfjarðar
Menntaskólinn Laugarvatni
Menntaskólinn við Sund
Netto
Samhentir
Samstaða stéttarfélag
Síldarvinnslan
Sólrún ehf
Stofnun Árna Magnússonar
Sveitafélagið Ölfus
Verkfræðingafélag Íslands
Bakkaflöt River Rafting
Bolungarvíkurkaupstaður
DMM Lausnir
Dýralæknirinn
Fagtækni
Fljótdalshérað
Flugger ehf
Fossvélar ehf
Framhaldsskólinn á Húsavík
Friðrik Jónsson ehf
Hnýfill
Höfðakaffi
Litlalón ehf
Menntaskólinn Egilsstöðum
Norðurpóll
Promes Dalvík ehf
Rúnar Óskarsson
Set
Trésmiðja Helgi Gunnarssonar
