Penni: Katrín Valgerður
Hefur þú einhvertíman labbað inn í skólan á þriðjudagsmorgni, örlítið krumpaður í skapinu og þráir ekkert heitar en ískaldan og svalandi orkudrykk til þess að bæla niður þreytuna og lífga aðeins upp á tilveruna? Svo þegar þú lítur inn í kælin í sjoppunni rennur þér kalt vatn á milli skins og hörunds. Það eina sem situr eftir í kælinum er carnival exotic nocco. Hér með er dagurinn eyðilagður. Þessi afsökun fyrir bragðtegund er svo viðurstyggileg að þú kúgast við tilhugsunina. Ég hef aldrei smakkað ælu blandaða við uppþvottalögur en ég get ímyndað mér að carnival exotic nocco komist nokkuð nálægt því. Hver með sitt rétta ráð fannst góð hugmynd að setja grænt te í orkudrykk? Ekki nóg með það þá get ég líka sagt að aðeins sýkópatar drekka grænt te. Mér finnst persónulega að sá sem blandaði blönduna fyrir þennan drykk ætti að missa vinnuna og aldrei vera hleypt inn á vinnumarkaðin aftur. Þessi bragðtegund er gjörsamlega óásættanleg á alla kanta. Ég mun aldrei fá aftur þessar dýrmætu 350 krónur aftur sem ég eyddi til þess að kaupa þennan drykk. Ef að svo stæði á að mig bráðvantaði koffín mundi ég frekar sprauta því í mig en að drekka þennan drykk aftur. Vinsamlegast hættið að flytja þennan drykk inn, hann er ógeðslegur. Flytjið frekar inn fleiri bragðtegundir af monster. Takk fyrir mig og gleðilegt sumar.
