Íslenska Þjóðfylking, feit pæling?

Katla Ársælsdóttir

Katla Ársælsdóttir skrifar

Íslenska Þjóðfylkingin hefur verið áberandi í fjölmiðlum undanfarið. Flokkurinn var stofnaður snemma á þessu ári og hefur verið á margra vörum síðan þá. Í síðasta mánuði stóð Íslenska Þjóðfylkingin fyrir mótmælum fyrir framan Alþingishúsið sem mótmælti nýjum útlendingalögum.

Fyrir flestum er hugsunarháttur Íslensku Þjóðfylkingarinnar óskiljanlegur og sprottin upp af fáfræði og hræðslu við það ókunnuga.

Þá spyr kona sig, er Íslenska Þjóðfylkingin kannski ekkert svo slæm?

Ég veit hvernig þetta hljómar en við skulum aðeins skoða þetta frá hlutlausu sjónarhorni.

 

Nú hef ég lesið grunnstefnu flokksins og það er alveg eitthvað gott í þessu. Málefni aldraðra og öryrkja eru í fyrirrúmi hjá flokknum. Aldraðir og öryrkjar eru saman stærsti samfélagshópur Íslands og því miður gleymist hann oft í umræðunni. Einnig styður ÍÞ íslenskan landbúnað og að íslenski bústofninn sé varðveittur. Þessu hljóta allir að vera sammála enda íslenski hesturinn fallegasti hestur veraldar og dýrmætasta eign þessarar þjóðar.

 

Eitt stefnumál sem skiptir ÍÞ gríðarlega miklu máli er upptaka nýrrar myntar á Íslandi. Fylkingin vill að við tökum upp ríkisdal sem tengd væri bandaríska dollaranum. Íslenska krónan hefur verið með öllu úrelt í fjölda ára, eða í raun bara síðan hún var tekin upp. Hvergi annarsstaðar þykir það eðlilegt að eyland þar sem einungis þrjúhundruðþúsund manns búa, hafi sinn eigin gjaldeyri.

 

Íslenska Þjóðfylkingin er alfarið á móti moskum, eins og ég, enda eigum við að styðja kristna trú og kristin gildi en ásatrúin fær einnig að fljóta með af sagnfræðilegum ástæðum. Það á vissulega að virða trúfrelsi, en aðeins samkvæmt stjórnarskránni.

 

Sumir myndu kannski kalla þetta íhaldssemi en málið er að við þurfum að halda í íslenska menningu. Það liggur fyrir augum uppi að ef við höldum okkur ekki á beinu brautinni með því að standa vörð um íslenska þjóðmenningu og tungu þá fer auðvitað allt til fjandans. Ég meina auðvitað getum við ekki leyft fólki frá erlendum uppruna flytja inní landið! Eða þegar ég segi frá erlendum uppruna meina ég auðvitað ekki Vesturlandabúa. Ég meina allt fólk sem er ekki hvítt og tilheyrir ekki millistéttinni. Við getum ekki leyft fólki af öðrum kynstofni koma inní landið okkar, stela konunum og vinnunum frá okkur og eignast síðan eintóma blendinga sem halda spillingu landsins áfram. Án þess að minnast á það að svona fólk er eintómir hryðjuverkamenn og munu sverta íslensku þjóðina. Það er einmitt þess vegna sem við þurfum að herða landamæraeftirlitið og innflytjendalöggjöfina til muna.

Lokum Mandí og Ali Baba og opnum kjötsúpustað og flíspeysubúð í stað Viking Kebab.

“BÚMM BÚMM HÚH”

 

Guð Blessi Ísland!

 

Athugasemdir

Contact Us

We're not around right now. But you can send us an email and we'll get back to you, asap.

Geturðu ekki lesið textann? Fáðu nýjan. captcha txt

Start typing and press Enter to search

%d bloggers like this: